Болынбалыкчы авылында Сабан туйга бүләк җыю йоласы үзенчәлекле узды

  (27 май, “Апастово-информ”).
“Бу көнне аеруча балаларны куандырырга тырышабыз. Икенче ел рәттән чирәмгә конфетлар сибеп сөендерәбез аларны. Быел исә тагын да үзенчәлеклерәк иттек. Авылдашлар үз урамнарында табыннар әзерләп, тәмледән-тәмле ризыклары белән каршы алдылар. Бигрәк тә балалар өчен бу көн истәлекле булды. Әлеге йолада 74 яшьлек Заһит абый Зиннәтуллин да катнашып, тормыш иптәше Әлфия апа белән Сабан туена үз бүләген бирде. Заһит абыйның очып-очып биюе кәефебезне тагын да күтәрде, - дип хәбәр итә Болынбалыкчы авылыннан Ләйсән Җәләлиева.