ӘЙДӘ БАРЫЙК, САУЛЫК АЛЫЙК

"Бүген районыбызда барлыгы 82 спорт корылмасы исәпләнә. Район үзәгендәге "Алтын алка" Боз Сарае, "Дулкын" бассейнына көненә уртача 300ләп кеше сәламәтлеген ныгыту максаты белән йөри. Алардан тыш барлыгы 20 ябык, җылытылган мәктәп спорт залы бар. Мәктәп яны 12 ачык футбол кыры, 17 баскетбол, 10 волейбол мәйданчыгы, 9 тирда һәркем үзенең яраткан спорт төре белән шөгыльләнә ала. Апас үзәк стадионында дистәләгән спорт җиһазлары урнаштырылып, махсус мәйданчыклар ясалган", - ди район яшьләр эше һәм спорт бүлеге җитәкчесе Фәнис Сафиуллин. Район һәм республика, зона дәрәҗәсендә аларда ел дәвамында 100дән артык спорт ярышлары һәм башка чаралар үткәрелә.