Апас урта мәктәбе укучылары Татар малай белән очраштылар

(29 сентябрь, “Апастово-информ”).

Татар малай (Ринат Галиәхмәтов) укучыларның барлык сорауларына да җавап биреп, аларны туган телне, туган якны яратучы, патриотик рухлы егетләр һәм кызлар булып үсүләрен теләде. Шулай ук үз-үзеңә ышанучан, җаваплы, шул ук вакытта дөньяга позитив карашлы булырга киңәш итте. Иң кызыклы сорау бирүче укучыларга күчтәнәчләр дә әзерләнгән иде.
Чара истәлекле фотога төшү, автографлар алу белән тәмамланды.