Татарстан урманында адашкан пенсионерны өч тәүлек буе таба алмыйлар

Татарстанда адашкан 79 яшьлек гөмбәче ир-атны өч тәүлек буе эзләү дә нәтиҗәсен бирми. 1937 елгы ир-ат 23 сентябрьдә Яшел Үзән районы Бело-Безводное авылыннан ерак түгел урнашкан урманга чыгып киткән була.

Гөмбәчене коткаручылар гына түгел, туганнары, актив эзләүчеләр дә эзли. Инде урман массивының 4 квадрат чакрым мәйданы тикшерелгән. Әмма адашкан Виталия Мягченков турында бернинди дә хәбәр юк.

Сүз уңаеннан: кичә коткаручылар һәм урманчылар Түбән Кама районындагы урманда адашкан 40 яшьлек хатын-кыз белән 5 яшьлек кызын табарга булышты. Аларга табиблар ярдәме кирәк булмаган.

Чыганак: intertat.ru