ИМТИХАННАР БИРӘСЕ БАР ӘЛЕ...

Быел район мәктәпләренең 9нчы чыгарылыш сыйныфын тәмамлаучы 226 укучы 28 май-14 июньдә дәүләт сынау - йомгаклау аттестациясе узачак. Төрле сәбәпләр белән бу вакытка сыешмаган укучылар өчен ГИА тапшыру өчен 11-14 июнь - өстәмә резерв көннәре. Быел район мәктәпләренең 11нче сыйныфын 126 укучы тәмамлаячак. Алар Бердәм Дәүләт имтиханнарын (ЕГЭ) 27 май-15 июньдә тапшырачак. Резерв көннәре - 17-19 июнь. Район мәгариф бүлеге методисты Гөлнур Фатыйхова әнә шулай дип белдерде.