Җиңел кулдан

28 майда Апас мәктәбендә урнашкан 1701 нче имтиханар кабул итү пунктында район мәктәпләрендә 9нчы сыйныфны тәмамлаучы 224 укучы математика фәненнән дәүләт сынау имтиханнары (ГИА) тапшырды. Татарстан Фән һәм мәгариф министрлыгы вәкиле Равил Мөбәрәкшин, күпсанлы җәмәгать күзәтүчеләренең катгый һәм гадел күзәтүләре астында узган бу имтиханнарда тәртип һәм таләпләрне бозу фактлары теркәлмәде. Укучылар, аларның укытучылары һәм әти-әниләр быел БДИ һәм ДСИ тапшыруның бернинди гаугасыз, күңелсез хәлләргә тарымыйча гына үткәрелүе өчен тиешле шартлар булдырылуын аерым билгеләп үттеләр. Район полициясе вәкилләре имтиханнар тапшыру пункты эчендә һәм Апас мәктәбе тирә-юнендә тиешле тәртип саклауны тәэмин итә.