Башыңда калганы белем

Сатмыш мәктәбе укучылары район, республикакүләм уза торган бәйгеләрдә актив катнашып үз белемнәрен күрсәтәләр һәм күрсәткечләргә дә ирешәләр. Әле узган айда гына ел саен уза торган "Каюм Насыйри укулары"нда катнашып Алинә Гатиятуллина Диплом, Лилия Гыйбадуллина (җит. Г. Гайнуллина) ТР Мәгариф һәм фән министрлыгының Мактау грамотасына лаек булдылар. Ә Гөлшат Гатиятуллина "Татар халкының тарихы" конференциясендә чыгыш ясап Диплом алып кайтты. 2013 ел - Татарстанда экология һәм әйләнә-тирә мохитне саклау елы уңаеннан "Сәләт" балалар иҗаты үзәгендә үткән бәйгедә дә Алисә Гатиятуллина белән Фәнис Сәлахов "Урман һәм кеше" дип исемләнгән проектлары буенча табигать байлыклары турында бик эчтәлекле чыгышлар ясадылар.