“Алтын куллар” түгәрәгенә йөрибез

Безнең М.Х.Гайнуллин исемендәге Кызыл Тау урта гомуми белем бирү мәктәбендә әби-бабайларыбыздан калган мирас бүгенге көндә дә саклана. Атнаның һәр җомга көнендә без, башлангыч, бишенче, алтынчы сыйныф кызлары, Чулпан апабыз Зыятдинова оештырган "Алтын куллар" түгәрәгенә йөрибез. Монда без кулъяулык тирәләргә, аңа чәчәкләр төшерергә, башмак бәйләргә өйрәндек. Ә хәзерге вакытта крючок белән төрле әйберләр үрәбез, моның белән без бик горурланабыз. Безнең мәктәбебез бүгенге көннәрдә дә татар халкының матур йолаларын саклый, гореф-гадәтләрен югалтмый бит әле.

Гүзәл Вәлиева,

Кызыл Тау мәктәбенең 6 сыйныф укучысы.