ХӘТЕР – КҮҢЕЛЛӘРДӘ, ИСТӘЛЕК – МУЗЕЙДА САКЛАНА

"Апас урта мәктәбенең тарихын чагылдыручы, аның укытучыларын һәм укучыларын үз эченә алган музей 1999 елда оешты. Экспонатлары арасында архив документлары, фотосурәтләр, көнкүреш әйберләре бар. "Алар - мәктәп горурлыгы", "Пионерия илендә", "Сугыш көйдергән яшьлек", "Туган як халкы һәм тормышы" һәм башка бүлекләрдә күп мәгълүмат саклана. Музейда укучылар һәм кунаклар еш кына экскурсиядә булалар. Музейның эшчәнлеге күп кенә Мактау грамоталары, Дипломнар белән бәяләнә. Һәр елны музейлар көне уңаеннан музейга бүләкләр тапшыру матур традициягә әверелде. Быел да укучылар истәлекле һәм кадерле бүләкләр алып килделәр", - дип хәбәр итә музей җитәкчесе Гөлнур Насыйбуллина.