Үз урыннарында лаеклы торалар

Быелгы уку елы алдыннан махсус комиссия һәр мәктәп, балалар бакчасында булып хәзерлекләрен тикшергән иде. Укытучыларның август киңәшмәсендә Черкен мәктәбе "Иң матур мәктәп" номинациясендә җиңүче булып танылды. Морзалар мәктәбендә иң яхшы уку-укыту кабинетлары, Чурибурашта иң яхшы спортзал, Каратун мәктәбендә иң яхшы спорт мәйданчыгы, Болгаерда иң яхшы укыту-тәҗрибә участогы, Апас мәктәбендә иң яхшы ашханә, Чирмешәндә иң яхшы котельный, ә Бакырчы балалар бакчасында иң яхшы балалар мәйданчыгы бар икән. Аларның җитәкчеләре сәхнәгә чакырылып бүләкләнделәр.