Белем дөньясы – мавыктыргыч

Апас урта мәктәбенең 4-6 класс укучылары Казан Федераль университеты каршында эшләп килүче Балалар университеты профессоры Валерий Летяев белән очраштылар. Очрашуның максаты - балаларны үзенчәлекле белем дөньясы белән таныштыру, кызыксындыру, мавыктыру, тырышып укырга, гыйлемле булырга өндәү иде. "Укыган кеше күп белә, һичкайчан югалып, каушап калмый, тормышта үз урынын җиңел таба", - диде профессор. Ул шулай ук уку йортының тарихы, бүлекләре, хезмәткәрләр исемлеге белән таныштырды. Укучыларның күп кенә кызыклы сорауларына җаваплар бирде, һәр балага эш дәфтәрләре таратты, 30 сентябрьдә университетның сайтында лекцияләр булачагын белдерде.