БЕЛГЕЧЛЕК АЛЫРГА ТЕЛӘСӘҢ

Татарстанда быел БДИ сынавын уза алмаган, ягъни мәҗбүри тапшырырга тиешле фәннәрдән тиешле балл җыя алмаган 303 укучыга аттестат бирелмәгән. Алар 2013 елда һәм аннан соңгы елларда имтихан тапшыра алачаклар. Бу турыда ТР Министрлар Кабинетында журналистлар өчен узган брифингта ТР Фән һәм мәгариф министры Альберт Гыйльметдинов хәбәр итте. "Аттестат югары уку йортларына кергәндә генә кирәк булачак, бу укучылар төрле көллиятләрдә үзләре теләгән белгечлек алырга мөмкин", - диде ул.