Яңа алымнар белән

Республикада беренчеләрдән булып Апас "Кояшкай" балалар бакчасында яңа федераль дәүләт таләпләре буенча балаларны рус теленә өйрәтүдә эксперименталь мәйданчык оештырылды. Тәрбияче Н. И. Камалтдинова махсус курслардан алып кайткан белемнәрен район тәрбиячеләренә таратты. Мәктәпкә хәзерлек төркеме тәрбиячеләре Т. К. Гыйниятуллина һәм Г. З. Алимова яңа юнәлеш буенча уңышлы гына эшләп киттеләр. Рус теленә яңача өйрәтү өчен кайткан күргәзмә һәм таркатма материаллар белән эшләүләренә, балаларның ирешкән нәтиҗәләренә районкүләм киңәшмәгә җыелган тәрбиячеләр югары бәя бирделәр.