Әби судта оныгын гафу итүен әйткән

Апаста яшәүче 39 яшьлек ир-ат кылган гамәлләре өчен район территориясеннән чыга алмый. Ул әбисендә тыныч кына кунак була белми. Аңа төрле янау сүзләре кычкыра һәм берничә такыр чүмеч белән сугудан да тыелып кала алмый. Әби ярдәм сорап район үзәк хастаханәсенә мөрәҗәгать итә.
Судта әби йомшак күңеллелек күрсәтә. Ул оныгын гафу итә һәм ирегеннән мәхрүм итмәүне үтенә.
Суд оныкны район территориясеннән чыкмау шарты белән 8 айга ирегеннән мәхрүм итә.
Бу хакта район прокуроры ярдәмчесе Альмир Гаптелганиев хәбәр итте.