Апас муниципаль районы башлыгы Рәшид Заһидуллин: Ватанны саклау – изге бурыч

23 февраль - Ватанны саклаучылар көне. Ватан - һәммәбез өчен дә иң якын, иң изге төшенчә. Аның тынычлыгын саклау - һәрберебезнең төп бурычы. Без бүген дәһшәтле сугыш елларында кан койган, илебезнең тыныч тормышы өчен көрәшкән һәр ветеран алдында башыбызны иябез. Бүгенге көндә тынычлык сагында торучы солдатларга Ватаныбыз алдындагы изге бурычларын намуслы үтәп, ата-аналары, барлык якыннары янына исән-имин кайтырга Ходай насыйп итсен! Хөрмәтле Ватанны саклаучылар! Сезне ихлас күңелемнән бәйрәмегез белән тәбрик итәм. Һәрберегезгә ныклы исәнлек, аяз күк йөзе телим.