Апаска “Халкым минем” тапшыруы иҗат төркеме килде

Алар районыбызның яшәешен күзәтеп, истәлекле урыннарында булып, алдынгы, булдыклы кешеләре, өлкәннәр, яшьләр, балалар белән аралаштылар. Апасыбызның мәдәният, сәнгать өлкәсендә башкарылган күп кенә эшләр, чаралар белән таныштылар. Иҗат төркемен район башкарма комитеты җитәкчесе урынбасары Луиза Сафина озатып йөрде.
- Апас үзенең матурлыгы, данлыклы шәхесләре белән татар дөньясына бик таныш. Ул үзенең көннән-көн яңаруы белән чакырып тора. Җитәкчегез уңган, халкыгыз тырыш, - ди Бөтендөнья Татар Конгрессының идарә җитәкчесе Гөлназ Шәйхи.
Тапшыруның "Яңа Гасыр" каналында февраль аенда эфирга чыгуы көтелә.