Апаста ГТО нормаларын беренчеләрдән булып хезмәт коллективлары тапшыра

Кичә аграр көллият спорт залында ГТО нормаларын тапшыра башладылар. "Сәләт" балалар иҗаты үзәге, спорт мәктәбе, Боз сарае, аграр көллият коллективлары ГТО нормаларын беренчеләрдән булып тапшырдылар. ГТО нормаларын тапшыру бүген дә дәвам итә. Исегезгә төшерәбез, ГТО - "Хезмәт һәм оборонага әзер" (Готов к труду и обороне) дигән мәгънәгә ия. 7 яшьтән 70 яшькәчә булган һәр райондаш ГТО нормаларын тапшыра ала. Сынау төрләренең мәҗбүриләре дә һәм сайлау мөмкинлеге булганнары да бар. Тулырак сынау төрләре, нормативлар турында http://www.gto-normy.ru, http://gto-normativy.ru сайтларында таныша аласыз.