Апаста мәдәният өлкәсе ничек яши?

Район мәдәният йортында мәдәният хезмәткәрләре, китапханәчеләр, музей хезмәткәрләренең айлык эшне йомгаклау киңәшмәсе узды. Киңәшмәдә район башкарма комитеты җитәкчесе урынбасары Луиза Сафина катнашты. Ул өлкәннәр ункөнлеге, гомумән әлеге өлкәдә башкарылган эшкә анализ ясады. Һәрбер җирлеккә тукталып уңай якларын, эшләнеп бетмәгән кимчелекләргә тукталды. Рәхмәтен белдерде. Шулай ук район газетасы баш мөхәррире Гүзәл Хилавиева район газетасына язылу, ун көнлек акция бәяләре белән таныштырды, сорауларына җавап бирде. "Туган якны өйрәнү музее" директоры Рәмис Ногманов "Шома бас" фестивалена әзерлек буенча чыгыш ясады. Әлеге зур фестиваль 4нче ноябрьдә булыр дип көтелә. Киңәшмә бик җанлы, эшлекле шартларда узды. Юбилярларга район башкарма комитеты исеменнән Рәхмәт хатлары, бүләкләр тапшырылды.