Биештә – Раштуа бәйрәме

7 гыйнварда Биеш авылында Раштуа бәйрәме була. Ул чиркәү янында 9.00 сәгатьтә башлана. Шулай ук мәдәният йорты каршында сәүдә нокталары эшләячәк, шашлык, коймак, кайнар чәй дә тәкъдим ителәчәк. Теләгән кеше пони атларында сәяхәт итә алачак. Мәдәният йорты сәхнәсендә концерт программасы һәм бүләкләүләр булачак. Мәктәптә бәйрәм уңаеннан волейбол ярышлары оештырыла.
Бәйрәм күңелдә бары тик якты хатирәләр, шатлыклы мизгелләр генә калдырсын дисәк, барыбыз да итагатьле һәм сак булыйк! Мәктәп, мәдәният йорты, чиркәү янәшәсендә исерткеч эчемлекләр сату, тәмәке тарту, фейерверклар ату Закон тарафыннан тыела. Бәйрәмнәр күңелле үтсен!