Иске Әнәле яңа клублы булачак

Иске Әнәледә иске клуб урынына яңасы төзеләчәк. Бу хакта район башлыгы Рәшид Заһидуллин төзелеш урынына барып хәбәр итте. Клуб 100 урынга исәпләнәчәк һәм китапханәне дә үз эченә алачак. Биредә үк балалар бакчасы да урын алыр дигән өмет бар. Бүген Иске Әнәледә 460 кеше яши. Халык клуб тутырып бәйрәм-тамашаларга йөри. Җырга, биюгә дә һәвәс алар, сәнгатьнең эчендә кайнап яшиләр. Әлеге яңалык өчен дә чын күңелдән сөенделәр, киләчәккә булган планнары белән уртаклаштылар.