Әнәледә - карантин

«Россельхознадзор» ның Татарстан идарәсе хәбәр итүенчә, Иске Әнәле авылында өй терлекләрендә, кыргый хайваннарда котыру авыруы киң таралу куркынычы сәбәпле, бу торак пунктта 29 гыйнвардан 2 айга махсус карантин игълан ителде, дип кисәтәләр белгечләр. Авылда авыл хуҗалыгы продукт иясе сатып-алу, терлекләрне бу территориядән читкә чыгару, башкаларга сату тыела. Йорт хайваннарын көндәлек күзәтү, махсус вакцинацияләү дәвам итә. Котыру авыруы йоктыруда шикләнгән терлек, эт-мәче белән контактта булган кешеләр табибларның аерым күзәтүендә тора. Бу таләп-кагыйдәләр үтәлмәү очракларында район ветеринария берләшмәсенә яки Казанга 8(843) 277-65-43 телефонына хәбәр итәргә мөмкин.