Районның шашка-шахматчылары көч сынаша

Бу сәгатьләрдә район мәдәният йортында мөмкинлекләре чикләнгән райондашлар арасында шашка-шахмат ярышлары бара. Кайбер катнашучылар "Дулкын" бассейнында йөзү буенча да көч сынашалар. Традиция буенча бу ярышларга спорт сөючеләр бик быел да бик теләп килгәннәр. Ярышларны район башкарма комитеты җитәкчесе урынбасары Луиза Сафина ачып, катнашучыларга уңышлар теләде.
- Сез бар җирдә дә актив. Бу ярышларда да сынатмассыз дип ышанам. Сезнең ихтыяр көчегезгә, рухи ныклыгыгызга без сокланабыз. Киләчәктә дә уңышлар телибез, - диде ул.
Биредә катнашучыларны Апас аграр көллияте кызлары кайнар коймак белән дә сыйлыйлар. Каратуннан Алсу Камалетдинованың кул эшләре күргәзмәсе дә игътибарны җәлеп итте.