Рөстәм Мингазиев призына хоккей ярышлары үтте

Районда иганәчеләр ярдәме белән ел башыннан балалар өчен унга якын төрле спорт бәйгеләре үткәрелде. Чираттагысы - Ватанны саклаучылар көненә багышлап Иске Йомралы мәктәп яны ачык хоккей мәйданчыгында укытучы Рөстәм Мингазиев күчмә Кубогы һәм призларына бишенче районкүләм ачык турнирда катнашкан барлык мәктәп хоккей командалары да гадел һәм нәтиҗәле уен күрсәттеләр.

Бәйге шартлары буенча, Рөстәм Мингазиев призына үткән ярышта рәттән 3 тапкыр җиңүче Апас яшь хоккейчыларына Кубок мәңгелек саклауга тапшырылды. Икенче урында - Борнаш мәктәбе, өченче урында - йомралылар. Елдан-ел осталыклары артучы Каратун мәктәбе командасы дүртенче урынны яулады.