Сатмыштан 90 яшьлеген каршылаган Зәйнәп әби Кашапова кечкенәдән әнисез калган

Сатмышта яшәүче Зәйнәп әби Кашапова 90 яшьлек гомер бәйрәмен каршылады. Аңа Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды. Район башкарма комитеты җитәкчесе урынбасары Луиза Сафина, Сатмыш авыл җирлеге башлыгы Равилә Сибгатова иң изге теләкләрен юллады.
Зәйнәп әби яшьлегендә бик күп авырлыклар күргән. 11 яшеннән әнисез калып, яшь әни тәрбиясендә үскән. Авыр хезмәт, сугыш ачысы да аның йөрәге аша узган. Бүген 6 баласы, онык, оныкчыклары хөрмәтен тоеп, кадер-хасияттә яши.