Шәмбалыкчы авылында яшәүче Хәйруллина Вафирә Мөхәммәтгали кызының 85 яшьлек юбилее

Кадерлебез! Сине чын күңелебездән юбилеең белән котлыйбыз. Аллаһы Тәгалә биргән гомерне, бәхет-шатлык, җан тынычлыгы, тән сихәте, саулык-сәламәтлек белән үткәрүеңне телибез!

Кайгы-хәсрәткә бирелми, балаларыңның, оныкларыңның игелек-хөрмәтләрен күреп, аларның шатлыкларына сөенеп яшәргә насыйп булсын.

Яшәү маягы син безнең өчен,

Кешелегең белән үрнәк син.

Мең-мең рәхмәт тәрбияңә,

Безнең өчен һәрчак кирәк син.

Иң изге теләкләр белән - барлык балаларың, киленнәрең, оныкларың, оныкчыкларың исеменнән улың Марат, киленең Гөлнара, оныкларың Инзилә, Инзил. Бу теләкләргә кода-кодагыйларың да кушыла.