14 январьда яраткан тормыш иптәшем, 3 кызыбызның кадерле әтиләре, оныкларыбызның хөрмәтле бабае - Кече Болгаерда яшәүче Хәйруллин Айдар Әнвәр улының туган көне - 55 яшьлек юбилее

Үткән елларына борылып карасаң, матур, тырыш хезмәт юллары ярылып ята аның. Әфган сугышыннан кайтып, югары белем алынган. Гаилә корып, хәләл көче - үз куллары белән йорт җиткезгән. Мичче һөнәрен үзләштереп, тирә-якта яшәүче бик күпләрнең өйләрен җылытучы, хезмәтендә бөтен энергиясен биреп яшь буынга белем бирүдә зур өлешен керткән кеше. 
Кадерлебез! Син шулай ук сөекле оныкларыңның көтеп алынган "Кыш бабакае" да. Теләгем шул: ныклы саулык сиңа, парлы мәхәббәтле тигез тормыш, балалар-оныкларыбыз уңышларына сөенеп, төзегән нык матур дөньябызның рәхәтен, игелеген күрергә язсын Аллаһ Тәгалә. Хезмәтеңдә югары үрләр, бетмәс көч-энергия, гел шундый гадел җанлы, намуслы булып гомер итүеңне телибез. 
Шушы унайдан Әнгам Атнабаевның шигъри юлларын куясым килә. 
 
Ничек барсың, тик шулай бул, 
Охшама бүтәннәргә. 
Теләгәндә иркәләп ал, 
Әрлисең килсә, әрлә. 
Сагынганда сагындым дип, 
Сарыл муеннарыма. 
Дөньяларыңны онытып, 
Ял ит куеннарымда. 
Шатланганда шаркылдап көл, 
Хәсрәтең булса, кайгыр. 
Үзең янсаң, син мине дә 
Ялкының белән яндыр. 
Сине яратып хөрмэт итеп - тормыш иптәшең Сәлимә, кызларың, кияүләрең, оныкларың.