5 октябрь – укытучылар көне

Олы йөрәкле, ихлас һәм көчле рухлы укытучыларыбыз, мөхтәрәм мәгариф ветераннары! Дөньяны танырга өйрәткән, гыйлемле-белемле иткән укытучыга карата мөнәсәбәт гасырлар буена үзкыйммәтен югалтмаган һәм хәзер дә, заманалар үзгәреп, мәгарифтә бер-бер артлы үзгәрешләр булуга карамастан, әлеге һөнәр ияләренә карата хөрмәтнең зурысын күрсәтергә бурычлыбыз. Укытучыларның авыр, катлаулы, җаны-тәне белән бирелеп эшләүне таләп иткән хезмәтен бернинди сүзләр белән дә бәяләп бетереп булмый. Хөрмәтле мәгариф хезмәткәрләре, кадерле укытучылар! Сезне барыгызны да бәйрәм белән кайнар котлыйм, сәламәтлек, нык ихтыяр көче, гаиләләрегезгә иминлек, катлаулы да, мактаулы да хезмәтегездә уңышлар телим.
Айрат Җиһаншин, муниципаль район башлыгы.