Хөрмәтле хезмәттәшебез, “Апас хәбәрләре“ телекомпаниясе шеф-редакторы Сөнгатуллина Гөлнара Рөстәм кызының 11 майда күркәм юбилее

Гөлнара Рөстәмовна! Син яз сулышы кебек һәркемнең күңеленә җылы өләшәсең, елмаю бүләк итәсең. Синең тырышлыкка, сәләтеңә, хезмәтеңә сокланабыз. Киләчәктә дә яңадан-яңа хезмәт уңышлары, гаилә бәхете, балалар шатлыгы, озын гомер, саулык-сәламәтлек телибез.

Туган көнең котлы булсын әле,

Матур теләк телик үзеңә.

Гел сибелсен якты елмаюлар

Нур балкысын күркәм йөзеңдә.

Туган көндә генә түгел, һаман

Шатлыкларың килсен тезелеп.

Гомер буе тиңсез сөю белән

Яратучың булсын өзелеп.

Иң изге теләкләр белән - "Йолдыз" редакциясе һәм "Апас хәбәрләре" телекомпаниясе коллективлары.