Һәр хезмәткәр зур уяулык һәм батырлык үрнәге күрсәтеп, үз хезмәтен зур тырышлык һәм намус белән үти

Район эчке эшләр бүлеге җитәкчесе Раил Гатауллин хезмәттәшләрен бәйрәм белән тәбрик итә
Район эчке эшләр бүлеге хезмәткәрләре халыкның закон белән якланган мәнфәгатьләрен саклау өчен тәүлек әйләнәсе хезмәт куя. Авыр һәм җаваплы хезмәт һәр көн тәвәккәллек, батырлык, зирәк акыл таләп итә. Әлеге хезмәттә Ватанга тугрылыклы, намус төшенчәсен тирәнтен аңлаган кешеләр генә эшли ала. Полиция хезмәткәренә нинди генә төр җинаятьләрне тикшерергә, нинди генә явыз гамәлләргә киртә куярга туры килми. Шуңа да карамастан, һәр хезмәткәр зур уяулык һәм батырлык үрнәге күрсәтеп, үз хезмәтен зур тырышлык һәм намус белән үти.
Хөрмәтле хезмәттәшләрем, эчке эшләр бүлеге ветераннары! Киләчәктә дә хезмәтегезгә тугры калып, үз бурычларыгызны илгә-көнгә зур бирелгәнлек белән башкарырсыз дип ышанып калам. Сезне чын күңелдән һөнәри бәйрәмебез белән тәбрик итәм. Авыр һәм җаваплы эшегездә зур уңышлар, түземлек, ныклы сәламәтлек телим.