Урта Балтай авылында гомер итүче әтиебез Гыйзәтуллин Мөстәкыйм Сафа улы белән әниебез Гыйзәтуллина Фәһимә Малик кызы 50 ел элек кабызган гаилә учагын сүндермичә, бер-берсенә терәк булып, иңне-иңгә куеп матур яшиләр

Алар үзләренең намуслы хезмәтләре, тормышны яратулары белән хөрмәт һәм мактауга лаеклы гап-гади авыл хуҗалыгы хезмәтчәннәре. Бар гомерләрен үз туган җирләренә багышладылар. Алтын туйлары белән котлап, әти-әниебезгә иң матур, иң изге теләкләребезне җиткерәбез. Тормышларыгыз мул, балаларыгыз сәламәт, оныкларыгыз тәртипле-инсафлы, үзегез бәхетле тормышта парлашып, әле озак еллар саулык белән гомер кичерсәгез иде.

Безнең өчен пар йолдызлар булып,

Күңел күгебездә яныгыз.

Кайгы-сагышларны һич күрмәсен

Мәрхәмәтле олы җаныгыз!

Ихлас күңелдән яратып һәм хөрмәт итеп – барлык балаларыгыз һәм оныкларыгыз.