18 май – Халыкара музейлар көне уңаеннан “Музейлар төне“ онлайн узачак

(15 май, “Апастово-информ“).

Елдагыча кичен музейга килеп, күргәзмәләр белән танышып, чараларда катнашу мөмкинлеге булмаса да, музей хезмәткәрләре кызыклы чара оештыра. Алар тамашачылар белән туры эфир аша очрашачак. Бу хакта Апас туган якны өйрәнү музее җитәкчесе Рәмис Ногманов хәбәр итте.

“Төрле экспонатлар, кызыклы уен кораллары белән таныштыру күздә тотыла. Музей аккаунтында 16 май көнне 18.00 сәгатьтә очрашырбыз“, – диде ул.