28 апрель – “Ашыгыч ярдәм“ хезмәткәрләре көне

(28 апрель, “Апастово-информ“).

Район үзәк хастаханәсенең “Ашыгыч ярдәм“ бүлегендә 21 кеше эшли. Алар тәүлеккә якынча 25ләп чакыру кабул итә. Барысына да өлгерергә, ярдәм итәргә, кешеләргә өмет өстәргә тырышалар.
Ландыш Шиһабиева – иң тәҗрибәле хезмәткәрләрнең берсе. Ул 26 елдан бирле әлеге хезмәтне башкара. Аның кыю, белемле, сәләтле булуын хезмәттәшләре дә, ярдәм сораучылар да дәлилли.
Фәүзия Кадыйрова да эшенең чын остасы. Аның да “Ашыгыч ярдәм“ бүлегенә эшкә килүенә шактый еллар вакыт узган. Күп кешедән рәхмәт сүзләре ишетергә дә өлгергән ул.