3 айлык сабый сыер сөтеннән үлгән

Санкт-Петербургның төньягында сыер сөтеннән бала үлү турында хәбәр тетрәндерде. 3 айлык сабыйга әнисе сыер сөте эчертә. Аннан икесе дә изрәп йокыга талалар. Ләкин йокыдан әнисе генә уяна. Сабый мәңгегә күзләрен йома.

Хәзерге вакытта тикшерү бара. Сабыйның тәнендә көч кулланып һәлак булуын күрсәтә алырдай нинди дә булса эз табылмаган.

Кызганыч... Кайгы аяк астында дип әйтү, бик хак. Гаиләгә сабырлык бирсен, Ходай!

Чыганак.