Апастово-информ

Апас районы

18+
Рус Тат
2024 - год Семьи
Җәмгыять

Акхуҗада Крещениены билгеләп үттеләр

Православие динен тотучы райондашлар Хач ману бәйрәмен билгеләп үтте.

(19 гыйнвар,“Апастово-информ“).


Авыл халкы сүзләренчә, Крещение суы сихәтләндерү көченә ия. Бу көнне гадәти чыганаклардан изге су ага диләр. Шулай ук бу көнне буа, елга, күлләрдән бөке ясап, су коену йоласы да үткәрелә.

Әлеге күркәм бәйрәм Акхуҗа авылында да билгеләп үтелде.

Олысы-кечесе гыйбадәт йорты каршындагы Ай күле янына җыелды. Боз өстендә йолага туры китереп бәке ясалган, чишенеп киенер өчен урыннар әзерләнгән. Җыр-биюләр белән бергә чәй кайнап тора, коймак, аш пешә. Бар авыл бер булып бәйрәм итә.

Төрле милләт вәкилләре бер гаилә булып, дус-тату яшәүче авыл халкын бәйрәм белән котларга район башлыгы урынбасары Ленар Хантимиров килде. Югары Акхуҗа авыл җирлеге башлыгы Зөфәр Юзиев та авылдашлары янәшәсендә булды.

Казаннан кунакка кайтучылар да, ел саен суга төшүчеләр дә үзләренә хас йоланы бик теләп башкардылар.

Су янында гадәттән тыш хәлләр бүлеге, район эчке эшләр бүлеге, медицина хезмәткәрләре кизү торды.


#яшәавылымминем

Следите за самым важным и интересным в Telegram-каналеТатмедиа


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев