Апас беренчеләр рәтендә

Апастово-информ, 14 май 2020 - 09:04

804

Татарстанның Авыл хуҗалыгы һәм азык-төлек министрлыгының матбугат хезмәте хәбәреннән күренгәнчә, Апас районында авыл хезмәтчәннәре сабан бодае һәм арпа чәчүне беренчеләрдән булып төгәлләде.

(14 май, “Апастово-информ“).

Районда язгы чәчү эшләре оешкан төстә башланып китте һәм сыйфатлы башкарылды. Бу хакта районның авыл хуҗалыгы һәм азык-төлек идарәсе җитәкчесе Ильяс Заһидуллин белдерде.
“Районда 35 мең гектарда чәчү җирләре бар. 9 мең 767 гектарда сабан бодае, 9 мең 67 гектарда арпа чәчелде. Бүгенге көндә соңгы культураларны чәчү эшләре дәвам итә. Шулай ук корткычларга, чүп үләннәренә каршы көрәш башланды. Кырларны эшкәртү эшләре дә бара. Яфрактан тукландыру эшләре дә оешкан төстә башкарыла“, – диде җитәкче.