Апас урта мәктәбе аз керемле гаиләләргә ярдәм күрсәтә

(17 апрель, Ландыш Гайнуллина, “Апастово-информ”).

Апас урта мәктәбе директоры Гүзәлия Зиятдинова хәбәр иткәнчә, мәктәп коллективы җитәкчеләр белән киңәшеп, шәфкатьле гамәлгә кушылганнар. Үз хезмәтләре белән үстергән бәрәңге, кишер, чөгендер кебек яшелчәләрдән катлаулы хәлдә калучы, матди яктан авыр хәлдәге 17 гаиләгә махсус ярдәм оештырганнар алар. Үзләре үстергән уңыштан өлеш чыгарулары - укучылар өчен дә, һичшиксез, үзе бер матур тәрбия чарасы булып тора.