Апаста “Чиста яр буе“ акциясе узды

(18 июнь, Ләйлә Шиһабиева, “Апастово-информ“).

Өмәдә “Алтын алка“ боз сарае, спорт мәктәбе коллективлары, волонтерлар катнашты.

“Коллектив белән чыктык. Изге эшкә өлеш кертергә теләп алындык. Елга буйлары, сулыклар чиста булгач күңелле“, – диделәр Алсу Айтуганова һәм Гөлшат Сафина.
Апас шәһәр тибындагы поселогы башкарма комитеты җитәкчесе Фәнис Шәрәфетдинов Табар елгасында күп эшләр башкарылуын һәм өмәләрнең дә дәвам итәчәген билгеләп үтте.