Апаста читтән кайткан 220 кеше үзизоляциядә яши

(23 май, “Апастово-информ“).

30 райондашыбыз Казан шәһәрендә хастаханәдә ята. Калган райондашлар өйдә дәвалана. Алар белән турыдан-туры элемтәдә булган кешеләр хәзер изоляцияләнгән һәм карантинда. Бу хакта район Советы аппараты җитәкчесе Роза Нурмиева хәбәр итте.

2 райондашыбыз дәваланып хастаханәдән чыккан. Өйдә дәваланучы 3 кеше савыккан.

Район эчке эшләр бүлегеннән хәбәр итүләренчә, битлек һәм перчатка киеп йөрергә дигән таләпләрне бозган 56 кешегә беркетмә төзелгән. Бер атнада 32 кагыйдә бозучы ачыкланган. Аларның барысына да суд тарафыннан штрафлар билгеләнгән.