Апаста хокук сакчылары бәйрәм көннәрендә патрульлек эшен киметми

(1 май, "Апастово-информ").

Районда патрульлек хезмәте көчәйтелгән режимда эшен дәвам итә. Бәйрәм көннәрендә дә алар хезмәттә. Юлларда, урамнарда ике сменада патруль торулар оешкан. Хокук сакчылары тарафыннан тикшерүләр даими оештырыла. Бу хакта район эчке эшләр бүлеге җитәкчесенең җәмәгать тәртибен саклау буенча урынбасары Айрат Нигъмәтҗанов белдерде.

"Үзизоляция режимы кертелгәннән бирле таләпләрне үтәмәүче 95 апаслы ачыкланды. Аларның эше судка җибәрелә һәм 1 меңнән 30 меңгә кадәр штрафлар салына", - ди Айрат Нигъмәтҗанов.

Быелгы май бәйрәмнәрен өйдә эшләүгә багышлыйк!