Апаста сайлау участоклары сәгать сигездән ачылды

(1 нче июль, Гүзәл Хилавиева, “Апастово-информ”). 

Районыбыз халкы әлеге мөһим эшне 25 июньдә үк башлады инде. Бүгенге көнгә 13468 кеше тавыш биргән. Бу 87,1% тәшкил итә. 

Апасның 880 нче сайлау участогына беренчеләрдән булып Гөлназ Муратина килде. 
“ Тавыш бирүләр алдан башланса да, эштә булу сәбәпле килә алмадым. Менә бүген иртәдән үз тавышымны бирергә ашыктым. Биредә барлык саклык чаралары күрелә. Температураны да үлчәп кертәләр, маска, перчатка да бирделәр. Киләчәктә тормышларыбыз яхшы булсын, тынычлык, сәламәтлек булсын”, - диде ул.