Апаста яшьләр кавыша

(8 июнь, “Апастово-информ“).

Краснодар өлкәсендә туып-үскән егет Александр Качур Апас кызы Ләйсән Әхмәтҗанованы гомерлек яры итеп сайлады. Язылышу барлык куркынычсызлык таләпләрен үтәп, аз гына сандагы якыннары, дуслары янәшәсендә узды. Бу хакта ЗАГС бүлеге җитәкчесе Розалия Насыйбуллина хәбәр итте.

Яшьләргә якыннары, туганнары, дуслары иң изге теләкләрен юллады. Котлауларга без дә кушылабыз. Яшь гаиләгә тигез, матур тормыш, бәхетле киләчәк, саф мәхәббәт телибез.

Котлы булсын яшьлек тантанасы,
Котлы булсын сөю хисләре.
Зур уңышлар белән алга илтсен
Сез барачак гомер юллары.
Тулып торсын бәхет чишмәсе,
Ташып торсын бәхет чиләге.
Озын гомер, саф мәхәббәт –
Барыбызның сезгә теләге.