Апаста язгы бәйрәмнәрне хәвефсез уздыру бурычы куелды

(3 нче март, “Апастово-информ”).

Утырышта район террорчылыкка каршы көрәш комиссиясе секретаре Булат Гатиятуллин узган елда экстремизм һәм терроризмга каршы профилактика эшенең алып барылуы буенча чыгыш ясады. Шулай ук язгы бәйрәмнәрне дә хәвеф-хәтәрсез, барлык саклану чараларын күреп, Роспотребнадзор куйган таләпләргә нигезләнеп уздыру турында сөйләшү булды.
“Һәрбер өлкәдә уяулык һәм тәртип кирәк. Иминлегебез үзебездән тора. Бәйрәмнәрне файдалы да, күңелле дә, шул ук вакытта хәвефсез итеп тә уздырыйк”, - диде район башлыгы утырышка йомгак ясап.