Апаста үзизоляция таләпләрен бозган 56 кешегә беркетмә төзелгән

(25 апрель, Ләйлә Шиһабиева, "Апастово-информ).

Юлларда, урамнарда ике сменада патруль торулар оешкан. Хокук сакчылары тарафыннан үзизоляция режимын бозучыларны ачыклау дәвам итә. Бу хакта район эчке эшләр бүлеге җитәкчесенең җәмәгать тәртибен саклау буенча урынбасары Айрат Нигъмәтҗанов белдерде.
"Үзизоляция режимы кертелгәннән бирле таләпләрне үтәмәүче 56 апаслы ачыкланды. Аларның эше судка җибәрелә һәм 1 меңнән 30 меңгә кадәр штрафлар салына", - ди Айрат Нигъмәтҗанов.
Өйдә тору барыбызның да сәламәтлеге өчен кирәк. Чир таралуга юл куймыйк.