Авылны үз иткән кала кызы

(14 февраль, “Апастово-информ”).

Гөлнара авыл тормышын үз итә. Хезмәтеннән дә курыкмый. Фермага эшкә урнашып, 25 елга якын биредә хезмәт куя.
“Бик тиз ияләштем. Кайнанам белән кайнатам да ярдәм итте”, - ди Гөлнара үзе.
Бүгенге көндә ул Кече Бакырчы фермасында бозаулар карый. Аның төркемендә 127 баш тана исәпләнә. Тормыш иптәше белән шәхси хуҗалыкларында да алар мал-туарны күпләп асрыйлар. Моның өстенә 18 мең төп кәбестә, чөгендер, бәрәңге кебек яшелчәләр дә үстерәләр. Шәһәрдә туып үссә дә ул хезмәтнең мәлен белеп башкара. Эшкә батыр, уңган, тырыш ул.

#яшәавылымминем