Иртәгә чәчтарашлар ачыла

(19нче апрель, “Апастово-информ”)
Татарстан Президенты Рөстәм Миңнеханов кушуы буенча, 20нче апрельдән әлеге тармак эшмәкәрләренә хезмәтләрен дәвам итәргә рәсми төстә рөхсәт бирелде. Тик эшмәкәрләр чәчтараш хезмәтен башкаручы хезмәткәрләренең тиешле санитар нормаларны үтәүләрен, тән температураларын көндәлек күзәтүдә тотырга тиешләр. Клиентларны унар минут ара белән кабул итү һәм шул вакыт аралыгында эш урынына дезинфекция ясау таләп ителә.
Чәчтарашларда онлайн-видеокүзәтү куелачак. Клиентлар анда барганчы ук хезмәт күрсәтү шартларын бәяли алачак.