Кильдураз станциясеннән Нина апа Елистратова 90 яшьлек олуг юбилеен каршылады

(1 март, “Апастово-информ”).

Нина апа Елистратова тормыш юлында бик күп авырлыклар кичергән. Балачагы, яшьлеге сугыш һәм сугыштан соңгы елларга туры килгән.
“9 яшемнән колхоз хезмәтенә җигелдем. Колхозда бер ир-ат та калмады, барысы да фронтка дошманга каршы көрәшкә китте. Сыерлар, сарыклар көтүе дә көттем, лабагрейкада да эшләдем. Эшләмәгән эшем калмады”, - ди Нина апа.

Нина апаның язмышы бик күпләргә үрнәк булып тора. Фаҗига килеп чыгып сәламәтлеге какшаган әнисен дә караган ул. Үз куенына ятим баланы да сыендырган. Аны бар күңел җылысын, ана назын биреп тәрбияләгән. Бүгенге көндә бердәнбер кызы Ленаның, оныкларының тормышына сөенеп, алардан кадер-хөрмәт тоеп гомер кичерә.

#яшәавылымминем