Мөһим вакыйгаларны каршылап

(17 июнь, “Апастово-информ”).

Тиздән илебездә ике зур вакыйга көтелә. 24нче июнь көнне Җиңү Парады, ә 1нче июльдә Конституциягә төзәтмәләр кертү буенча тавыш бирү булачак. Соңгысы атна буе дәвам итәчәк.

Хакимият бинасына җыелган һәм мөһим вакыйгаларның барышы өчен җаваплы булган районыбыз вәкилләре башта ТР Министрлар Кабинетында видеоконференция режимында узган киңәшмәне тыңладылар. Анда мөһим вакыйгаларның барышында куркынычсызлыкны тәэмин итү буенча өстәмә чаралар оештыру турында сөйләнде.

Киңәшмәнең икенче өлешен район башкарма комитеты җитәкчесе Алмаз Тугушев алып барды. Ул шулай ук тавыш бирү участокларын янгын куркынычсызлыгы, коронавирус чиреннән саклану чаралары белән тәэмин итү, электроэнергия белән өзеклеккә юл куймау һәм башка мәсьәләләр хакында тагын бер кат искәртте.
-Ветераннарыбызга бәйрәмне үткәрүдә дә барлык уңайлылыклар тудырырга тиешбез, - диде ул.