РФ Конституциясенә кертеләчәк барлык социаль төзәтмәләр гаиләләргә ярдәмгә эшләячәк

(Казан, 17 апрель, “Татар-информ”, Эвелина Киселева).
Социаль юнәлешкә корылган төзәтмәләр, Россия Конституциясендә урын алгач, Россиядә гаилә үсешенә уңай тәэсир итәчәк. Татарстан Җәмәгать палатасы председателе Зилә Вәлиева “Татар-информ” матбугат агентлыгына шундый фикерен белдерде.
“Без шартлы рәвештә социаль пакет дип атаган төзәтмәләрнең барлык маддәләре дә гаиләләргә ярдәм күрсәтүгә юнәлгән. Минем уйлавымча, аларны кабул иткәч, гаиләләрнең тормышында бу нык сизеләчәк”, - диде ул.
Вәлиева шулай ук, гаиләне, әти-әниләрне һәм балаларны яклау турында Россия Конституциясенең 72нче маддәсенә кертелүче өстәмәләрнең - дәүләт өчен өстенлекле кыйммәтләргә ия булуын дәлилли дип, ассызыклады.
Элегрәк, “Татар-информ” матбугат агентлыгы хәбәр икәнчә, Татарстан Сәүдә-сәнәгать палатасы идарәсе председетале Шамиль Агеев Конституциягә кертелүче гражданнарның хезмәтенә хөрмәт белән карау турындагы төзәтмәнең эшчеләргә хезмәт хакын директорныкы дәрәҗәсенә кадәр арттыру өчен, стимул булуын әйткән иде.