Җәмгыять
Шоколад хәрам була аламы?
"Балаларга шоколад сатып алган идем. Ә ул ликер кушып ясалган икән. Аны ашасаң, гөнаһлы буласыңмы?" - дип сорый Чаллыдан Зәринә.
Казанның “Гаилә” мәчете имам-хатыйбы Рөстәм хәзрәт ХӘЙРУЛЛИН: — Исертә торган эчемлекләр: шәраб, коньяк, ликер һ.б. — бер тамчысы да мөселман өчен тыелган. Шуңа да баллы тәм-том сатып алганда, игътибар белән аның составын, ниләр кушылганын карарга кирәк. Составында хәрам булган ризыкларны безгә ашау тыелган. Кеше хәрам шоколад ашаса, 40 көн намазы кабул булмас. Дөрес, бу намаз укырга кирәкми дигән сүз түгел. Намазны көн саен кыласың. Шул рәвешле үзеңә йөкләнгән фарыз гамәлне үтисең. Ә хәрам ашаган кешенең намазы өчен савабы булмавы бар. Аллаһ яхшырак белүче. Балаларыбызны, оныкларыбызны хәрам ризыклардан саклыйк.
Следите за самым важным и интересным в Telegram-каналеТатмедиа
Нет комментариев