Татарстанда бер ир-ат ике иптәшен суйган һәм мәетләр белән йокларга яткан

1 февральдә көндез Читай районындагы Луч бистәсендәге шәхси йортта ике ир-ат мәете табыла. Аларны пычак белән яралап үтергәннәр. «Ике яки аннан да күбрәк кешене үтерү» маддәсе буенча җинаять эше ачылган. Бу турыда «Татарстан 24» каналы Тикшерү комитетына сылтама белән хәбәр итте.

Җинаятьтә шикләнеп Чистайда яшәүче 60 яшьлек ир-атны тоткарлаганнар. Социаль челтәрләрдә хәбәр ителгәнчә, бу кеше иптәшләренә пычак кадаган һәм алар белән йокларга яткан.

Яраланган кешеләрнең берсе туганнарына шалтыратырга өлгергән. Алар полиция чакырган. Хокук саклаучылар килгәндә ике ир-ат та үлгән булган, диелә хәбәрдә.

Тикшерү эшләре бара. 

Чыганак. https://intertat.tatar/news/incident/02-02-2022/tatarstanda-ber-ir-at-ike-ipt-shen-suygan-m-m-etl-r-bel-n-yoklarga-yatkan-5848494